चित्रपट सृष्टीसाठी शिवसेनेची अखंड मेहनत घेणारी संघटना

सध्या भारतीय चित्रपट सेनेच्या अध्यक्षपदाची जबाबदारी अभिनेते आणि शिवसेनेचे सचिव आदेश बांदेकर हे पार पाडीत आहेत. उपाध्यक्षपदी अभिनेता शरद पोंक्षे आणि सुबोध भावे हे तर अभिनेता दिगंबर नाईक यांची सरचिटणीसपदी निवड करण्यात आलेली आहेत. आदेश बांदेकर यांच्या नेतृत्वाखाली शिवसेना चित्रपट सेनेच्या माध्यमातून अनेक उपक्रम राबविले जात आहेत. निद्रिस्त नसणारे शहर म्हणून मुंबईची ओळख आहे. वेगवेगळ्या क्षेत्रांचे काम इथे अव्याहत सुरूच असते. मनोरंजन नगरीचे सर्वात मोठे काम इथूनच चालते. सकाळ, दुपार, संध्याकाळ, मध्यरात्र, पहाट… शूटिंगसाठी कोणतीच फिक्स वेळ नसते. या वेळांशी जुळवून काम करताना तंत्रज्ञ आणि कामगार वर्गाची मग तारांबळ होते. कलावंत मंडळी मध्यरात्री शूटिंग संपले की आपापल्या गाड्या घेऊन घरी रवाना होतात. मात्र पडद्यामागे काम करणाऱ्या मंडळींच्या कष्टांना काही मर्यादा नसते. त्यांना अनेक रात्री सेटवर पडून काढाव्या लागतात. पडद्यामागच्या कलावंतांची ही कुतरओढ संपविण्यासाठी शिवसेना चित्रपट सेनेने पुढाकार घेतला आहे. शिवसेना चित्रपट सेनेच्याच प्रयत्नांमुळे गोरेगावची दादासाहेब फाळके चित्रनगरी तसेच मढहून दररोज पहाटे अडीच वाजता बेस्टच्या बसेस सुटतात. सी-१ आणि सी-२ या क्रमांकाच्या या दोन बस वडाळा आगारापर्यंत धावतात. याचा फायदा या कलावंत मंडळींबरोबर सर्वसामान्यांनाही होतो. पुढे वाचा »